مقهى منتدى الشعر الشعبي

بسم الله الرحمن الرحيم

مرحباً بكم يامشاعل الحب والكلمة الطيبة
في هذا الموضوع سنرى ابداعاتكم ومشاركاتكم واخر ماخطته اناملكم باقلام المشاعر الصادقة
والكلمة الرائعة والتناقش بكل مايخص امور وتطوير ومساعدة اخوانكم الجدد
وايضا مناقشة كل مايخص بادب الشعر الشعبي
وهو ملتقى سيكون اروع مافيه تعارفكم ومتابعتكم لاعمال اخوانكم ..
على مشرف الشعر الشعبي متابعة الموضوع وله مني جل الاحترام والتقدير .
__________________

محمد المدريدي

للمزيد من مواضيعي

 

مو كلمن فتحلك باب يهواك ولا كلمن يكرهك بابة ينسد
اكو مسدود بابة وكلبة مفتوح واكو مفتوح بابة وكلبه اسود
اذا طشيت صحبانك على الماي اثكلهم وفة الجواك يركد
واخففهم يضل طافح على الراك يروح وية الجزر ويرجعة المد
اذا محتار سافر تعرف الناس منو يهد القطار ويوكف ازيد
اكو تشده بحبل ويكطعة ويروح واكو بكلمة شرف عالسجة ينشد
واكو بمشية قطارك عينة تحتار وباللحضة الاخيرة وياك يصعد
واكو يشيل المحطة وية القطارات ويدكهه اعلى كلبة وصدرة ينسد
فرق بين اليعبدك بالمحطات وفرق بين البناك بكلبه معبد
لاتامن بشر من طينة مخلوق بس اربعطعش طينة محمد
مو كلمن ضحكلك منه ترتاح ترة ناب الضبع كل ضحكة ينحد
ولا تحقد على كلمن يبجيك اذا دمعك طفح صدكني تبرد
البشر دلة ويفور بداخلة الضيم اذا يطفح دمع نيرانة تخمد
ولا تحقد على الصعدوا بلا جناح معروف الصكر لو جنحة ينشد
مو كلمن نزل يتسمة مذلول ولا كلمن صعد يتسمة امجد
اكو صاعد رغم ما هو عالكاع واكو نازل يضل لو قمة يصعد
راسك منتصب اعلى من اليدين بس من السهل تتناوشة اليد
اذا عندك جبل خلهم يصعدون فرق بين الصعد والراد يصعد
اكو يهدة الجبل لو هد الجفوف واكو يهد الجبل لو جفة ينهد
وعلى المبرد كفر تنغر السيوف لأن سيف اعلى سيف بكلبة ينحد
واذا عنهم رحل كلهم يخسرون شنو نفع السيوف بلية مبرد
وما يرحل جذب وخاف يعمون ويضل السيف تالي بكصبة ينصد
اذا تعزف لحن ويذمك انسان لا تكطع كمانك صعبة ينشد
مرات اللحن ما يطرب الناس و مرات البشر اذاناته تنسد
ومرات اللحن تطربلة طرشان بس طبع اليسمعك زور يشهد
على البلبل يكلك منكر الصوت و اذا ينهك حماره يصيح غرد
اذا حجيك حكم وتخاطب الناس كل راس اعلة كدة وياك ينشد
لأن روس البشر عكس الفراغات كلما تنترس تستوعب ازيد
واذا تحجي ويرد صوتك كما كان يعني اليستمع فارغ مجرد
صوتك ما يردة الراسة متروس لأن بس بالفراغ الصوت يرتد
واذا ضيمك كبر لاتحجي بالعين وتشوف الدنيا كلهه بلون اسود
منو بهذا الوكت ما غيرة الضيم حتى بيوم الاحد ماكو احد
لكن لا تضل تحسب توابيت انه كبلك علي صب اسود العد
ارفعت راسي وكمت احسب بالاعراس وعلى خشم السواد الابيض امتد
ولو غثني الطفل من شفتة بالعيد يشل بجروح ثوبة ودمعة عالخد
بس اني فرحت جي جتة الاطفال و مسح كل الدموع وراح عيد
علمنة الطفل يصبر على الضيم وطلع منا الطفل ايمانة ازيد
اريد اطرح قضية ولنتم اسلام واريد اسأل جمعكم واطلب الرد
بنيتوا شكد معابد كلهه عالكاع منو المنكم بنالة بكلبة معبد
ما كولن كفر لو قلة ايمان لكن مهزلة و ما الهة احد
لتلاثة الملاهي مفتحة بالليل وبالعشرة الجوامع كلهة تنسد

مشكور حبي محمد على هذا الموضوع وانشاءالله نشوف تفاعل الاعضاء البقيه ويانه

وتم التثبيت

تحياتي الك
ابو شكريه

روووووووووووووووووووووووووووووووووووووعه

والله ابداع خرافي عاشت الاقلام




محمد المدريدي

مشكورررررررررررررررررررررررررررررررررررررر

حبي حسوني



محمد المدريدي

هاذة من ذوقك يالغلا
مشكور

حبيبي يلي ناسيني انا مشتاگ
احبك والله متي تجيني كفايه فراگ
غيابك والله علي عيني بس تعال حبيبي وناديني
تره ببعادك ماكو الي يداويني من الاشواگ


يابة شنو القصة اشو بس اني بهاذة المقهى؟؟؟؟
تحياتي


اذا كان الحب أن اضع گلبي فداك
فاعلم اني أهل الفداء
واذا كان العشگ أن أضع حياتي في سبيل هواك
فستجدني ملبيا للنداء

عاشت الايادي رنونه على الابداعات

وهذي ومظه مني لهل ابداع



شهل بياض البيك شتسوي تعال
فوك هذا ولازم مراية بديك
عمي لو عدنة مثل وجهك حرام
انذب المرايات ونمشط عليك




محمد المدريدي

تسلم يالغالي

يسلموووووووووووووووووووووو

اختي على الاسلوب الرائع وهو ابهاي الكهوه بس اني وياج ابين الجماعه ميحبون الكهاوي وميطبولهه احتمال ايخافون على انفسهم او اشايء اخرى احنه منعرفهه






محمد المدريدي